ਮੁਰਾਦ
ਕੀ ਬੱਦਲਾਂ ਦੇ ਪਾਰ ਵੀ ਕੋਈ ਰਹਿੰਦਾ ਹੈ
ਕੋਈ ਪਾਰੀਆਂ ਦਾ ਦੇਸ ਦੱਸਦਾ ਹੈ ਉਸ ਪਾਰ
ਕੋਈ ਆਖਦਾ ਰੂਹਾਂ ਬੱਸਦੀਆਂ ਨੇ ਮੁਕਤ ਹੋਈਆਂ
ਕੋਈ ਬੱਦਲਾਂ ਦਾ ਰਾਜਾ ਖਵਾਜਾ ਕਹਿੰਦਾ ਹੈ
ਮੇਰੀ ਮੁਰਾਦ ਹੈ ਮੈ ਵੀ ਵੇਖਾਂ ਪਾਰ ਦੀ ਦੁਨੀਆ
ਇਸ ਦੁਨਿਆ ਨੂੰ ਨਜ਼ਰਾਂ ਲੱਗੀਆਂ ਨੇ ਸ਼ਾਇਦ
ਦੋਹਾਂ ਪਾਸਿਆਂ ਦੇ ਦਰਮਿਆਨ ਕਿੰਨਾ ਫਾਸਲਾ ਹੈ
ਕਿੱਥੋਂ ਸੂਰਜ ਚਾੜ੍ਹਦਾ ਹੈ ਤੇ ਕਿੱਥੇ ਜਾ ਕੇ ਲਹਿੰਦਾ ਹੈ
ਨਹੀਂ ਮੈ ਸੁਰਗ ਨਹੀਂ ਲੋਚਦਾ ਸੱਚ ਜਾਣੀ
ਨਰਕ ਜਾਣ ਲਈ ਤਾਂ ਕੋਈ ਜੰਗ ਨਹੀਂ ਹੁੰਦੀ
ਮੈ ਤਾਂ ਲੱਭਦਾ ਮੁਹੱਬਤ ਦੀ ਨਗਰੀ ਕੋਈ
ਜਿੱਥੇ ਅਗੰਮੀ ਨੂਰ ਹਰ ਪਲ ਕੋਈ ਬਹਿੰਦਾ ਹੈ
ਤਾਰਿਆ ਦੇ ਦੇਸ ਚੰਨ ਦਾ ਹੁਕਮ ਚੱਲਦਾ ਹੈ
ਚਾਨਣੀ ਪਟਰਾਣੀ ਦਾ ਰੂਪ ਸਮੁੰਦਰੋਂ ਦਿੱਸਦਾ ਹੈ
ਸੂਰਜ ਨੇ ਤਾਂ ਸਾਡ ਕੇ ਸੁਆਹ ਕਰ ਦੇਣਾ ਮੈਂਨੂੰ
ਕਿਹੜੇ ਇਸਕ ਦੀ ਤਾਪ ਓ ਚੰਦਰਾ ਸਹਿੰਦਾ ਹੈ
ਸੁਣਿਆ ਡਾਕਾ ਆਉਂਦੀਆ ਨੇ ਪਰਲੇ पार ਤੋਂ
ਕੋਈ ਆਸਮਾਨੀ ਕਿਤਾਬ ਆਖੇ ਕੋਈ ਦੇਵ ਵਾਈ
ਧੂਰ ਦੀ ਬਾਣੀ ਵੀ ਆਈ ਉਸ ਜਹਾਂਨੌ ਸੁਣਿਆਂ
ਜਿਸ ਅਕਾਲ ਦੇ ਚਰਨਾਂ ਚ ਗੁਲਾਮ ਢਹਿੰਦਾ ਹੈ : ਗੁਲਾਮ
कोई टिप्पणी नहीं:
एक टिप्पणी भेजें