ਵਾਰਿਸ ਨੂੰ ਹੀਰ ਦੀ ਜ਼ੁਬਾਨ ਲਗਦੀ ਏ।
ਬਾਬਾ ਫ਼ਰੀਦ ਦੀ ਬੰਦਗੀ ਤੇ ਈਮਾਨ ਲਗਦੀ ਏ ।।
ਇਸ਼ਕ ਤੇਰੇ ਇਕ ਇਕ ਅੱਖਰ ਚ ਸਮੋਇਆ।
ਤੂੰ ਆਪ ਹੀ ਆਪਣੀ ਪਛਾਣ ਲਗਦੀ ਏ ।।
ਗੁਰੂ ਦੇ ਚਰਨਾਂ ਦੀ ਛੋਹ ਪ੍ਰਾਪਤ ।
ਕਿਸੇ ਨੂੰ ਗੀਤਾ ਕਿਸੇ ਨੂੰ ਕੁਰਾਨ ਲਗਦੀ ਏ।।
ਸਿਫ਼ਤਾਂ ਤੇਰੀਆ ਕਿ ਕਰੇ ਗ਼ੁਲਾਮ ।
ਤੂੰ ਪੰਜਾ ਦਰਿਆਵਾਂ ਚੋਂ ਉਠਿਆ ਕੋਈ ਤੂਫ਼ਾਨ ਲਗਦੀ ਏ ।।
ਕੌਣ ਨੀ ਦੁਨੀਆਂ ਚ ਤੇਰੇ ਰੋਹਬ ਤੋਂ ਵਾਕਿਫ਼।
ਤੂੰ ਜੋਧਿਆਂ ਦੀ ਵਾਰ ਤੇ ਵੈਰੀਆ ਦੀ ਮਕਾਣ ਲਗਦੀ ਏ।।
ਤੇਰੇ ਆਸ਼ਿਕ ਤੇਰੇ ਤੇ ਫਨਾਹ ਸਦਕੇ ।
ਤੂੰ ਦਰਗਾਹ ਤੋਂ ਆਇਆ ਰੱਬੀ ਫੁਰਮਾਨ ਲਗਦੀ ਏ ।।
ਕੋਈ ਸ਼ਾਹਮੁਖੀ ਆਖੇ ਕੋਈ ਗੁਰਮੁਖੀ ।
ਮੈਨੂੰ ਤੂੰ ਮਾਂ ਤੋਂ ਮਿਲਿਆ ਕੋਈ ਵਰਦਾਨ ਲਗਦੀ ਏ ।।
ਗ਼ੁਲਾਮ
कोई टिप्पणी नहीं:
एक टिप्पणी भेजें